遊客喺潛水期間搵到古文物、工程人員施工掘到寶，呢啲係經常喺現實出現嘅情節，但如果阿史同大家講，其實動物都可以發掘到古文物，唔知史友們又信唔信呢？

近排喺西班牙阿斯圖里亞斯北部格拉多市就出現咗一幕動物化身考古學家嘅情節。近排呢個區域就受到風暴菲洛梅娜（Filomena）影響降下大雪，而當地嘅小動物就好似野獾就展開瘋狂嘅出外覓食，喺附近不斷翻土希望可以搵到漿果或蟲。研究人員就意外喺當地嘅山洞搵到209枚硬幣，附近更加係有野獾嘅巢穴。

被發現嘅呢批硬幣大多數都係西元3至5世紀羅馬時期硬幣，大多數都係由銅同埋青銅製成，當中小部分仲有銀嘅成份。咁到底點解硬幣會出現喺山洞當中呢？考古人員就推測係因為羅馬人於西元前218年征服伊比利半島，直到西元5世紀初期先畀西哥德人趕走，所以呢啲硬幣應該係喺戰亂期間被慌忙收埋。

原圖嚟自網絡