唔知史友們有冇諗過，自己屋企牆上以平價買返嚟嘅畫作，竟然會係幾百年前嘅真跡呢？而呢件咁神奇嘅事確確實實就喺外國發生咗，並且係喺一位藝術歷史學家嘅屋企發生，阿史今次就帶大家睇一睇啦！

喺一位名為克里斯托弗·萊特（Christopher Wright）嘅藝術歷史學家屋企，就發生咗一件令佢「老貓燒鬚」嘅事，就係原來佢喺1970年以65 英鎊買返嚟嘅一幅畫作「複製品」喺多年之後就被發現可能係17 世紀佛蘭德宮廷畫家安東尼·范·戴克爵士（Sir Anthony van Dyck）所畫真跡！

呢幅畫作嘅主角就係西班牙王女伊莎貝拉·克拉拉·尤金妮亞（Isabella Clara Eugenia），喺畫作當中佢就打扮成一位修女，本來一直都被視為係一幅「複製品」，但後來牛津阿什莫林博物館高級策展人科林·哈里森（Colin Harrison）見到呢幅畫作之後，先至認為有可能係真跡。

咁史友們可能就會有個疑問，就係點解呢幅畫作會咁難分呢？其實《伊莎貝拉·克拉拉·尤金妮亞的肖像畫》係有好多個唔同版本，特別係後期多數都係以修女形象出現並且有眾多複製品同埋各種形式，所以唔用到現代科技其實都好難分得出。一個神奇嘅發現就令到原來65 英鎊嘅畫作升值到40,000 英鎊，真係有趣。

原圖嚟自網絡