「出家人唔殺生」係佛法五戒之一，相信唔少史友們都必定聽過，但唔知大家有冇諗過有一位法師喺戰爭期間曾經試過策劃伏擊日軍，殲敵百餘呢？呢位法師就係參加開國大典嘅唯一僧人——巨贊法師。
巨贊法師出生喺1908年，喺1931年於杭州靈隱寺出家，法名傳戒，字定慧，後改名巨贊。早年佢就主編獅子吼月刊，出版佛學書刊等等，喺抗戰爆發嘅第二年後，佢就去到湖南「溈山佛學院」經田漢介紹認識到葉劍英，並喺佢支持之下成立咗「佛教抗戰協會」、「南嶽佛道教救難協會」，為救國而作出努力。
喺1940年至1944年間，巨贊法師帶領「佛教青年服務團」到長沙前線進行宣傳、創辦《獅子吼》月刊宣傳抗戰與佛教革新運動，並且協助瑤王李榮保，策劃伏擊日軍，殲敵百餘，取得重大戰果。
而由於佢喺抗戰時期有突出貢獻，所以佢曾經受過周恩來讚賞，親書「上馬殺賊，下馬學佛」相贈，同時佢亦都被推舉為660位開國元勛之一，係天安門城樓參加開國大典唯一嘅僧人。
原圖嚟自網絡