早兩日阿史就同大家介紹完果個小時「偷光」嘅匡衡原來係位貪官之後,阿史即時亦諗到另一個細個都以為佢係好人,但原來史實又係另一回事嘅人物,佢就係《憫農》作者李紳。

「鋤禾日當午,汗滴禾下土。誰知盤中餐,粒粒皆辛苦」呢幾句詩相信唔少史友都必定聽過,甚至可能會有個諗法就係,寫得出呢啲詩句嘅人都必定深知民間疾苦。呢首《憫農》作者李紳係唐朝中期亳州譙縣人,出生自書香門第嘅佢喺二十七歲時就已經科舉中進士,被招官翰林學士。佢除咗係著名詩人之外,最後亦都官拜宰相。

《憫農》呢首詩就係喺元和四年夏天,李紳返鄉探親期間喺城東觀稼台見到農夫耕耘心有感觸而寫,而當武宗皇帝得知呢件事,就覺得佢可以體察民生疾苦而封李紳為尚書右僕射,共商朝事。

之不過,當李紳升官之後,佢就為官酷暴,奢侈宴樂。佢好鍾意食雞舌,每次食就要殺死三百幾隻活雞,結果院內嘅雞隻屍體都係堆積如山。喺《本事詩》中就有提過李紳曾經邀請劉禹錫到府第飲酒,甚至仲會因為一首詩詞而「以妓贈之」,作風相當低下。喺官場之上,佢更加係為官囂張跋邑,不念舊情,胡亂判案,最後更落得個「削紳三官,子孫不得仕」嘅懲罰。

原圖嚟自網絡