尋日介紹咗昔日國宴有一道菜「白袍蝦仁」，後嚟被撤出國宴菜單當中，今次阿史就想介紹一下國宴其中一道菜式北京烤鴨。

可能史友們去北京玩個陣都食過北京烤鴨，貴嘅有平嘅有，俾遊客食嘅有俾老百姓食嘅又有，都可以話係北京相當地道嘅菜式。講到北京烤鴨，呢道菜原為明代金陵一帶嘅菜餚，後嚟因遷都關係而帶到北京，經過歷代改良成為今時今日嘅北京烤鴨，亦係中國眾多菜式當中知名度最高一款，所以成為國宴其中一道菜都唔無乜好爭議。但其實有關方面多次將烤鴨列入國宴當中，其實仲有一個重要考量，就係對外國來華貴賓嘅關愛。因為响外交宴請上，要遷就部分外國人進食時「只進不出」嘅習慣，即唔會同唔識𦧲骨，而呢個亦成為國宴其中一個標準。北京烤鴨滿足到呢個標準之餘，分盤分菜都較為容易，所以多年嚟都能夠成為招待外賓嘅國宴菜喇！

原圖嚟自網絡