景德鎮御窯遺址申遺御窯遺址申遺

景德鎮嘅陶瓷向來都係聞名中外，呢度除咗被稱為「瓷都」之外，喺明清年間更加係朝廷宮廷用瓷主要生產基地，係中國古代陶瓷發展巔峰。而呢個咁有歷史價值嘅地方，近來又有一啲新搞作！

據報道，景德鎮正全力推進御窯遺址申遺嘅呢個重要項目，目標係打算喺2024、2026年申報成功。咁到底當中有咩遺址係包含其中呢？景德鎮御窯遺址遺產申報點共6處，包括體現明清專造御用瓷器的皇家窯場御窯廠窯址，體現御窯制度淵源及技術基礎嘅湖田古瓷窯址、落馬橋窯址、南窯遺址，體現制瓷原料開採及運輸嘅高嶺瓷土礦遺址以及東埠碼頭，真係各類特色嘅制瓷步驟都包含其中。

而喺呢幾個遺址當中，景德鎮御窯遺址其實早為特別，呢個位於市中心珠山地區嘅遺址，總面績達到5.4公頃。喺1973年就被首次發現，經歷過27次考古發掘之後，就搵到一系列窯業堆積、窯爐遺跡、作坊遺跡等等，可以見盡唔同年代、唔同類型嘅瓷器標本，並且更加係14至19世紀中國制瓷技術最高水平，世界制瓷手工業發展巔峰時期嘅典範，講到阿史真係想親身去睇一睇啊！