「詩聖」杜甫、「詩仙」李白、「詩佛」王維呢幾位著名嘅唐代詩人，相信唔少史友都必定讀過佢哋嘅詩作，而喺呢個中國歷來詩歌發展最盛黃金時期，其實仲有一位被稱為「詩鬼」嘅詩人，佢就係李賀喇！

據記載，李賀以七歲之齡就已經可以寫詩，十五歲嘅時候就已經譽滿京華，深受韓愈賞識。本身李賀係喺二十一歲時就赴京應試進士，但過程中就被同樣考取進士嘅人詆譭被逼退試，並且終生落魄不得志以二十七歲之齡離開咗人生。

咁到底佢點樣喺咁短嘅時光當中成為「詩鬼」呢？「詩聖」、「詩仙」、「詩佛」嘅詩都各有特色，就好似王維詩工、李白句「絕」、杜甫詩「律」，而李賀詩就係冷艷，並且以神話故事、鬼魅世界作為主題，當中唔少都係道教有關神仙鬼魅嘅內容。佢嘅詩作當中就好似喺鬼魅世界入面馳騁，後世直頭就有「長吉鬼才」嚟形容佢，所以佢就被稱為「詩鬼」喇！

原圖嚟自網絡