之前就講咗英國有邊啲媒體用吉儀同衣紙誤作賀年用品拍廣告，真係大吉利是！吉儀相信史友們都應該見過，一般而言去「大酒店」收到吉儀時裡面會有糖、紙巾同硬幣，咁係點解呢？

其實呢幾樣嘢，既係有實際用途，亦有佢本身意思。阿史請教咗一位研究嶺南文化嘅學者，佢就話以前嘅吉儀係放手帕，但後嚟流行用紙巾，用途係俾死者親友抹眼淚，表示離別嘅傷痛。至於放粒糖就係俾一眾親友响傷痛當中能夠「苦中帶甜」，用意減輕傷痛。至於吉儀放硬幣，據講係俾送殯嘅親友走個陣拎去搭車，以前一蚊就大概可以搭到單程，有離開喪禮就「唔回頭」嘅意思。

阿史知有史友係從事相關行業，不妨留言同大家交流下。

原圖嚟自網絡