1992年1月19日上午,即30年前,鄧小平乘坐嘅專列駛進深圳火車站,鄧公巡視深圳經濟特區亦成為咗中國當代史以及改革開放進程中係一件大事。

响1992年,鄧小平就响一月同二月期間,去咗深圳、珠海、廣州、上海等地巡視同發表講話,呢次南巡重申中國改革開放政策,為改革開放重新提速。咁點解鄧公會南巡呢?响上世紀八十年代尾九十年代初,國內外形勢嚴峻,姓「社」定係姓「資」引起激烈討論,國內亦開始出現質疑鄧小平改革開放路線嘅聲音。為咗破除國內保守勢力對改革開放嘅質疑,當時年屆87歲嘅鄧小平响1992年1月18日上咗南行專列,先後到武昌、深圳、珠海同上海等地,歷時35日。鄧公响南巡期間不斷發表談路,亦係著名嘅「南方談話」。亦因為鄧小平南巡,中央再次肯定同確立改革開放方向。

據當年媒體報道,鄧公去到廣東期間,有關方面原本安排鄧公抵達深圳後先去休息,點知鄧公一去到深圳就話:「到了深圳,坐不住啊!」仲要求快啲叫車去深圳市睇睇。

原圖嚟自網絡