朱元璋個樣係咁樣？

最近同個同事傾開，話某位舊女同事個樣好似朱元璋，阿史就諗：「朱元璋？有乜特別呢？」點知睇一睇，咦？以前原來一直無留意朱元璋係咁嘅樣。

記得以往睇朱元璋嘅畫像，都係正正經經好正常。而呢啲朱元璋畫像係嚟自宮殿畫師之手。對於朱元璋係乜嘢樣，响文字就係咁嘅記載：「龍髯長鬱，然項上奇骨隱起至頂，威儀天表，望之如神。」呢個係明孝陵神功聖德碑嘅描述。另外，《明實錄》亦記載過朱元璋未做皇帝之前「狀貌奇偉異常人」。至於點解咁奇特，《明實錄》裡面就咁樣記載：「上夢人以璧置於項，既而項肉隱起微痛，疑其疾也。以藥傅之，無驗，後遂成骨隆然，甚異。」

咁睇嚟朱元璋個樣都應該好奇特。