民國軍閥張作霖「重現」東北，結果引起爭議掀起一場風波。遼寧瀋陽市日前推出北洋軍閥張作霖「大帥幣」交通卡，據講張卡可以全國300幾個城市嘅交通工具通用。

不過，張卡一出就被劣評。點解會咁呢？事關張作霖响近代史上聲名就唔算太好，佢本身係北洋時期奉系軍閥首腦，得到日本支持管治東北三省地區多年，主政時同其他軍閥打生打死之餘，仲曾下令殺死中國共產黨創始人之一嘅李大釗。由於負評如潮，結果瀋陽市文化旅遊和廣播電視局向公眾道歉，瀋陽市文博中心主要負責人和張氏帥府博物館相關負責人停職，「大帥幣」交通卡亦自然要下架。

原圖：瀋陽市文博中心微博