發現恐龍腳印化石喺近年嚟可能唔算係咩新鮮事，但如果阿史同大家講，呢個腳印嘅發現，足以改變對成個中國恐龍分佈嘅認知，史友們又會點睇呢？

近排中國地質大家嘅恐龍腳印化石團隊就宣布，因為喺廣東肇慶懷集縣發現嘅新一批恐龍腳印化石，而決定擴大白堊紀恐龍喺中國嘅分布範圍，而發現呢批腳印嘅竟然係一個廣州市初三學生。

其實喺廣東境內南雄、河源盆地、廣西境內那霸盆地以及湖南株洲盆地都曾經發現過恐龍化石，但喺廣東西北、東部以及湖南南部交界地區就幾乎冇相關嘅發現。之不過，隨住呢位初三學生喺一個建築工地搵到幾個疑似恐龍腳印化石之後，呢一點就正式改變。

據團隊研究表示，呢批腳印所屬地層係白堊系閘崗群馬屋組，厚570米至770米，經過分析後發現時代應該係早白堊世晚期至晚白堊世早期。一共七個嘅獸腳類恐龍腳印化石保存狀態最好，其中五個屬於中等尺寸，根據恐龍速度計算公式，可以估算出行進速度約為每秒2.57米，亦即係腳印係喺小跑狀態下留低嘅；至於另外兩個足跡就係分別歸為實雷龍同埋蹺腳龍。呢次發現係成個地區唯一嘅化石紀錄，亦都有助重建粵桂湘交界地區白堊紀中期恐龍群嘅認知！

原圖嚟自網絡