以往阿史都同史友們介紹唔少喺抗日戰爭當中嘅慘烈戰役，當中唔少先輩為咗保家衛國而甘願犧牲自己，但如果史友同史友們講其實有一班當年被稱為「娃娃兵」嘅小朋友都有咁樣做，唔知大家又點睇呢？
如果史友們有去過雲南，可能大家都知道當地係有一個松山戰役遺址，而現場係有過千座中國娃娃兵雕像。喺1944年5月，當時中國軍隊為咗可以打通緬甸公路，同駐印軍取得聯繫，於是就聚集咗20萬中國遠征軍喺滇西，準備進攻松山、騰衝、龍陵。之不過呢個計劃就好快畀日軍得知，並且喺進攻高黎貢、騰衝果陣重擊中國軍隊。
眼見原本嘅計劃行唔通，中國軍隊就只好改變計劃，只要攻陷松山就可以打通緬甸公路，但呢座扼滇緬公路要衝及怒江打黑渡嘅交通咽喉背連大坡，左右都係山又點會咁容易攻得陷。喺6月4日，中國遠征軍對松山發起進攻，並且先後同日軍打咗十次大戰，百幾次小戰鬥，歷時95日。由於當時兵力不足，有幾千名小戰士、娃娃兵亦都加入戰爭，犧牲喺戰場上嘅最細只係年僅九歲。
中國遠征軍付出極大代價，打破滇西戰役僵局，當時日軍傷亡3000幾人，而中國遠征軍傷亡達到7600人，其中有過千人都係娃娃兵。
原圖嚟自網絡