最近大台藝人李國麟以佢經典角色造型鳩摩智响內地宣傳帶貨直播,結果佢直播八粒鐘都做唔到一單生意,被封為最慘帶貨藝人。
不過今日阿史就唔係想講李國麟同帶貨,而係講鳩摩智。相信唔少史友認識鳩摩智呢個名應該係响金庸小說《天龍八部》,咁歷史上係咪有呢個人物呢?其實唔好話鳩摩智,其實吐蕃早响唐代亡國前已經滅亡咗,所以北宋有吐蕃國呢個設定其實係有啲古怪。有人就認為,按鳩摩智嘅名同身份推斷,佢嘅原型就係藏王時期赤松德贊嘅高僧涅·般若鳩摩羅。當時佛教大興,譯經事業相當發達,藏族譯師就有約千人之眾,其中最出名有「三老」、「三中」同「三少」稱為「九大譯師」,涅·般若鳩摩羅同款·魯益旺波、馬·仁欽劫就係「三中」之一。咁睇嚟,鳩摩智原型嘅高僧,係譯經者而唔識武功。