對於世界八大奇蹟之一嘅秦始皇陵,其實考古工作歷史嚟都安全地進行緊,繼早幾日阿史同史友們介紹過25個陶俑點樣重構古時嘅軍陣之後,呢個遺址又再次有新發現!

據陝西省所舉行嘅考古新發現新聞發佈會上表示,秦始皇陵經過再次考古之後,就喺外城東門嘅遺址有新發現。外城東門遺址位於封土正東約200米,早喺1962年就已經有考古人員喺呢度進行考古發掘工作,但以早年嘅技術對呢個地方嘅門道數量以及建築結構都仲未掌握得到。而今次考古工作就對成個發掘面積約1,000平方米嘅外城東門遺址再進行發掘,結果就搞得清東門遺址規模、形制以及基本結構,甚至仲確定到外城東門屬於夯土台基式建築,燧一門一道嘅城門結構,表面上仲留有彩繪。

唔單止咁,據門道邊緣以及高台式平台拐角處進行分析,考古團隊仲可以了解到城門除城牆牆體外,以前仲有其他附屬建築;而呢個城門之所以被毀,從僅存紅燒土同埋碳屑睇嚟,極大可能係因為被火燒毀再經過流水破壞,幾點證據就可以睇到咁多嘢,真係犀利!