今日阿史去咗沙田還神,順道去咗瀝源邨睇睇個噴水池有無噴水。雖然事前預估因疫情同冬天關係就應該唔會見到噴水,但難得去到都係去睇下先甘心。結果當然係...無噴水睇。
瀝源邨呢個噴水池,可以話係沙田公共屋邨當中其中一個著名景名。沙田瀝源邨係响1975年入伙,為沙田首批落成嘅公屋。當時嘅公共屋邨响規劃上就顧及到居民生活環境、交通配套以及公共設施。為咗令居民有更舒適嘅生活環境,所以邨內就有噴水池呢種公共設施,居民亦可以欣賞下噴水池。其實以往唔少公共屋邨都有各式各樣嘅噴水池,但因為各種關係搞到關得就關拆得就拆,可能係物以罕為貴,瀝源邨呢個噴水池近年就成為咗一個網紅景點。
前幾年睇報道,話仲有運作運作嘅噴水池仲有十一個,唔知史友們平時有無留意呢?
原圖嚟自網絡