水門橋之戰比長津湖更慘烈？

喺上年國慶期間，電影《長津湖》以講述七十幾年前抗美援朝第二次戰役長津湖血戰而感動無數國人，亦都為水門橋之戰寫下伏筆。而嚟到今個新年，《水門橋》亦都上映喇，咁到底呢場被稱為比長津湖更加慘烈嘅水門橋之戰又係點呢？阿史今次就再同大家講一講啦！

尋日阿史就同大家講咗水門橋嘅地點極具戰略價值，為咗可以截斷美軍陸戰第一師撤出長津湖地區，當時志願軍就派出由20軍第60師三炸水門橋，本身已經將美國陸戰第一師逼上絕境，但最後因為日本三菱重工連夜製成鋼製橋樑，令到美軍成功搭出一條新嘅大橋，陸戰一師一萬幾人連同坦克車輛都成功撤退。

就咁描述史友們可能感受唔到呢場戰役有幾慘烈，但如果阿史同史友們講，其實事前宋時輪係預先派出兩個連嘅戰士埋伏喺大橋伏擊，但最後因為夜晚氣溫驟降，唯一達到狙擊地點嘅20軍58師172團2營6連嘅幹部、戰士呈戰鬥隊形一槍未發，就已經手握鋼槍，一動不動凍成冰雕。而當中有位名為宋阿毛烈士就寫咗一封遺書，亦都被改編成《水門橋》嘅主題曲，史友們如果有興趣不妨去聽一聽！