繼續同史友們介紹抗美援朝嘅一啲英雄人物,喺唔少歌影視作品當中,功夫最好嘅往往都唔係主角,而係喺寺廟當中嘅一個「掃地僧」。以為呢點淨係喺電影當中先會出現?原來喺上海同濟大學曾經都有一個「掃地僧」為我國立下無數功勳!

呢位「掃地僧」名為蔣道平,佢出生喺1930年嘅一個安徽窮苦家庭,年幼時曾經因為家境問題而離開學校,最後喺老師幫助之下先可以重返校園。喺1945年國共內戰爆發嘅時候,蔣道平就因為睇唔過眼國民黨軍隊欺壓百姓嘅行為,以16歲之齡謊稱18歲參軍。三年時間當中佢就先後參加過魯南戰役、孟良崮戰役、淮海戰役、渡江戰役等重大戰役。

佢嘅威水史當然唔止咁少,佢喺1950年就被調派入中國航空學校學習飛機駕駛,2年之後就喺航空學校畢業,加入空軍15師第45團第2大隊第1中隊服役,同年佢亦都奉命赴朝,駐紮鳳凰城機場。喺1953年4月12日,中國志願軍空軍飛行員蔣道平由於喺搜索敵情期間偏離咗中隊,但亦都因為咁而巧遇美國敵機從南向北編成縱隊,佢當時決定轉彎突擊,以單機迎戰四機,並且將美軍「首席三料王牌飛行員」麥克康奈爾駕駛嘅座機擊落,成為一時佳話。而喺佢執行任務嘅七個月期間,佢參戰七次並且擊落F-86飛機五架、擊傷兩架,真係犀利!

而佢之後以喺上海同濟大學做一個「掃地僧」其實係純粹因為「退而不休」,同佢一齊嘅仲有十幾位退伍老兵,以呢種方式為同濟大學春風化雨。

原圖嚟自網絡