呢幾日都同史友們介紹唔少抗美援朝嘅英雄人物，佢哋好多都係上戰場殺敵嘅戰士。而當時中國嘅資源同後勤支援並唔發達，就連戰士嘅食物以及禦寒衣服都未能夠充足供應，再加上貿易封鎖，令到呢個問題更加雪上加霜。
之不過，要成為英雄唔一定要上戰場殺敵，霍英東就做咗一個好好嘅示範。面對當時港英嘅封鎖，一系列嘅禁運法令令到戰略物資、石油及石油產品、鋼鐵產品都難以出口到中國；與此同時，美國商務部頒布《1950年特種貨物禁止輸出令》，令到對華出口管制進一步收緊，絕對影響到當時嘅戰局。
為咗可以解決呢個問題，當時中國共產黨就搵到霍英東，而霍英東當時亦都決心要組織船隊接咗呢張單，用盡方法將汽油、柴油運到中國，而喺佢當時嘅運貨總量當中，黑鐵皮、橡膠、輪胎係最主要嘅物資，呢啲物資都直接決定到志願軍嘅油料供應、後勤供應鏈嘅運作。所以睇落好簡單嘅舉動，過程中充滿險阻，其實對抗美援朝戰爭係起咗極大嘅作用！
原圖嚟自網絡