喺過去嘅新年，對中華民族嚟講就有一個好傷感嘅消息流出，就係侵華日軍「慰安婦」制度下嘅兩個倖存者都相繼離世。

據南京利濟巷慰安所舊址陳列館官方微博發布消息表示，有兩個侵華日軍「慰安婦」制度受害倖存者分別喺過年之前嘅年廿八、年廿九先後離世。呢兩位倖存分別係101歲、出生喺1922年嘅婆婆，佢喺1938年就受到日軍嘅殘酷性暴行，獲救之後就離開咗自己家鄉並且晚年喺湖南郴州市定居。佢嘅身體曾經好弱，但喺家人照顧之下幾次都可以轉危為安。至於另一位老人就係嚟自湖南嘅張婆婆，由於家屬嘅意願，所以亦都冇太多資料公布，但我哋可以知道嘅係，內地登記在冊嘅「慰安婦」制度受害倖存者目前不足20人，呢個公道絕對需要討回。

原圖嚟自網絡