上次介紹戰俘營奧林匹克運動會個陣，就提過下响抗美援朝戰爭後有外國人戰俘無返到去原來國家，而選擇去中國居住，佢哋嘅故事又係點嘅呢？

响1953年7月，《朝鮮停戰協定》响板門店簽訂，意味著打咗三年幾嘅戰爭得而停止。根據協定，唔想被遣返嘅戰俘就可以選擇留下响亞洲。最終有21名美國戰俘同1名英國戰俘拒絕被遣返，去咗中國生活。雖然有18人最後响五六十年代返去自己國家，但仍有部份人選擇响中國生活，留响中國嘅就落地生根，娶妻生子，其中一人叫霍華德·亞當斯，佢就被安排到濟南造紙廠工作，仲娶咗位山東姑娘做老婆，後嚟更响一所大學讀書。至於另一位留响中國嘅戰俘溫納瑞斯，就被周恩來總理稱為「國際主義和平戰士」，後嚟响山東大學讀書。

原圖嚟自網絡