今時今日講起「六國大封相」呢個詞,相信唔少史友都會即時聯想到爭吵嘅場面,之不過呢個原本真係用嚟形容戰國時期蘇秦遊說六國以合縱合縱策略聯盟抗秦,六國拜蘇秦為丞相嘅歷史故事。呢個經典嘅故事其至喺後來由劉華東參考崑劇《金印記》與《滿床笏》改編而成粵劇《六國大封相》。成套粵劇當時更係以表演排場盛大、做功細膩見長又聞名。

咁可能史友們經常都會有個疑問,明明係講緊粵劇,點解冇啦啦又會不可收拾嘅爭吵場面有關?原來喺上世紀五十年代嘅香港,有位叫做朱盛才嘅人嚟到香港冇耐寄住喺兄長屋企,但後來就受到家人嘅冷嘲熱諷、因財反目,揚言遲早要上演一場「六國大封相」。結果,冇幾耐就發生一宗兇殺案造成3死3傷,《六國大封相》呢個詞就自此演變成為激烈衝突嘅代名詞。

原圖嚟自網絡