之前講咗唔少英國同阿根廷响1982年打嘅福克蘭群島戰爭,而响四年之後兩國又再次交鋒,不過就唔係响戰場上,而係响足球場上。

响1986年墨西哥世界盃決賽周中,英格蘭响八強就遇上阿根廷,新仇舊恨一次過响球場上解決。兩隊球迷比賽開始前已經响墨西哥城街上爆發肢體衝突,所以比賽令墨西哥方面大為緊張。好彩,响比賽上半場雙方都算踢得斯文,無得太大衝突,半場完時雙方零比零。點知到咗下半場,就令呢場比賽成永恒經典,因為响下半場早段阿根廷球王馬勒當拿以「上帝之手」將個波撞咗入網。當時英格蘭球員點樣投訴,但球證仍判入球有效。隨後馬勒當拿一個扭過六七名英格蘭球員射入,呢個世紀金球擴大比賽。到比賽後段雖然英格蘭追返一球,但最終阿根廷仍以二比一擊敗英格蘭。

結果因為呢場波,英國同阿根廷响球場上都結埋怨。

原圖嚟自網絡