唔知史友們會唔會曾經有過呢啲念頭,就係見到博物館入面嘅部分展品,硬係覺得差咁啲神緒,好想親手去加返一筆。呢種諗法可能唔少人都曾經有諗,但就唔敢去實行,之不過近排俄羅斯展廳就有人付之實行,而佢嘅身份更加係一位展廳保安!

喺上年年底,就有兩位參觀葉卡捷琳堡市葉利欽中心抽象藝術展訪客無意之中發現到藝術家Anna Leporskaya的作品《Three Figures》當中嘅三個無面人嘅其中兩個竟然被人加咗兩眼,而且仲已經有一段時間!

經過調查之後,就發現係一個60歲保安所做嘅事,佢受聘於當地嘅保安公司,之不過其實佢喺返工第一日就已經有「美化」呢幅畫嘅想法,結果佢就喺神不知鬼不覺嘅情況下完成呢件事。而佢嘅所作所成,就被警方以故意破壞行為展開調查,而經過佢「美化」嘅呢幅畫,估計就可以清理到表面嘅塗鴉。

原圖嚟自網絡