話說早排去咗一條四十幾五十年嘅公共屋邨，見到舊式公共屋邨好流行嘅嘢，就係「凱旋門」喇！呢個種設計真係好有特色。
據了解，响五六十年代落成嘅公屋屋邨，呢種「凱旋門」設計相當普遍。其實呢個設計係用嚟貫通邨內嘅馬路，咁就避免要响邨內挖隧道嘅問題。而响唔同嘅屋邨，「凱旋門」嘅高度同道路配置都未必一樣。好似有啲邨嘅「凱旋門」係通往邨內停車場位置或者公園，被視作為緊急車輛通道之用。而有啲「凱旋門」就建於大馬路上，會有巴士進出。講到「凱旋門」另一個特色，就係唔知點解好多時「門」嘅隔離會有幾家零零丁丁嘅住戶單位。如果住响「凱旋門」隔離又咁啱係有巴士進出，都應該噪到瞓唔到覺。