1997年2月19日，被稱為「中國改革開放總設計師」嘅鄧小平因為柏金遜病晚期併發肺部感染搶救無效逝世，享耆壽92歲。
呢位傳奇人物係我國社會主義改革開放、現代化建設嘅總設計師，為新中國建立作出咗重大嘅貢獻，佢嘅政治生涯經歷過「三落三上」，但仍然可以主導撥亂反正、提出改革開放、推行義務教育並且提出「一國兩制」，對整個中國都影響深遠。而喺佢逝世前嘅幾個星期，當時病情略有平穩嘅鄧小平就向時任中國共產黨中央委員會總書記江澤民傳達自己對全國各族人民對春節嘅祝賀，並且希望以江澤民為核心嘅中共中央領導下，可以順利「恢復對香港行使主權」。
可惜嘅係，老人家喺1997年2月19日逝世，未能見證到香港回歸。
原圖嚟自網絡