相信史友們最近最關心嘅除咗疫情，應該就係烏克蘭局勢。之前阿史都介紹過响蘇聯時代，烏克蘭係蘇聯咁多個國家當中經濟同軍事實力數一數二嘅，而其中一個例子就係切爾諾貝爾核電廠。

提到切爾諾貝爾核電廠呢個名字，大家嘅反應就應該係諗起1986年核電廠爆炸導致核災難。之但係，呢個核電廠出事前，曾經被譽為蘇聯最安全核電廠。切爾諾貝爾核電廠位於烏克蘭首都基輔百幾公里外，响1972年開始興建，亦係蘇聯响烏克蘭境內第一座興建嘅核電廠。當時核能發電係核能應用嘅新趨勢，而切爾諾貝爾核電廠就應用咗當時蘇聯最先進核能技術。至於點解呢個核電廠起响烏克蘭、俄羅斯同白俄羅斯三國交界附近，係為咗解決烏克蘭、白俄羅斯呢啲地區嘅供電問題。點知一次核災難，令呢個地區成為咗地球上最污染嘅地區，至於切爾諾貝爾核電廠更加同安全二字無關係。

原圖：xinhua