之前喺介紹鄧小平先生生平事蹟果陣，阿史就曾經講過鄧小平年輕果陣其實曾經喺20年代去過法國勤工儉學，咁到底佢當時經歷係點呢？阿史今次就同大家講一講啦！

其實少年嘅鄧小平曾經係想體驗一下當時西方社會有幾先進，工業革命嘅力度有幾大，之不過當年就算佢喺法國點樣打工，都仍然係薪金微薄，只係得五個月時間讀書。呢段經歷唔單止影響咗佢一生，甚至仲令到佢喺半世紀之後都仲記住一樣食物！

呢樣食物就係牛角包喇！時間去到1974年，由於當時周恩來總理病重，於是就由時任副總理鄧小平率領中國代表團參加聯合國會議，期間有成四五十個國家領導人都要求見面會談。當時每個出國公幹人員都會有20蚊美金，而外匯係唔可以帶返國內，所以唔少工作人員都會用晒嚟買朱古力。之不過，當時鄧小平特別唔同，佢喺回程途經法國嘅時候就用20蚊美金買咗100個牛角包。咁點解佢要咁做呢？

原來喺法國勤工儉學果陣，鄧小平就好鍾意食呢款食物，當時生活困難可以食到一次就已經好滿足。結果，鄧小平就帶咗100個牛角麵包返到北京，仲分成十份，其中兩份仲送咗畀周恩來總理。

原圖嚟自網絡