上次阿史就介紹過鄧小平响1974年出訪時,帶咗100個牛角包回國,仲送咗啲一俾周恩來總理。周恩來同鄧小平早响上世紀二十年代已經認識,因為佢哋都係去咗法國勤工儉學,而且佢哋仲有好多特別事蹟。

話說佢哋法國個陣,就曾經一齊開過一間舖頭,叫「中華豆腐店」。當時出國勤工儉學嘅中國青年,唔少都係家境貧寒,加上一戰後歐洲經濟蕭條,當時响法國嘅中國青年就更加艱難。响1922年6月,响周恩來倡議下,响巴黎開咗一間中國式豆腐店,由鄧小平為主負責。一班中國青年就响輪流响課餘工餘時間到豆腐店做嘢。據講呢間豆腐店仲搞得有聲有色,連當地法國人都幫襯,亦因為生意唔錯,所以賺到啲錢可以補貼勤工儉學青年嘅生活費。

原圖:cpc.people.com.cn