中國人民解放軍從越南撤回中國境內

1979年3月5日，對我國嘅人民解放軍嚟講係相當重要嘅一日，事關喺當年今日中國人民解放軍就從越南撤回中國境內。

呢場對越自衞反擊戰狹義上嚟講就喺1979年2月17日展開，呢個喺古代作為中國郡縣嘅地區，喺淪為法國殖民地之後，新中國係曾經派出過軍事顧問團指導越軍對法作戰，並且取得奠邊府戰役勝利；而後來越戰期間，中國亦都向越南提供折合超過二百億美元援助，共同對抗美國。

喺上世紀70年代，越南正式結束抗美戰爭，實現咗國家統一之後，隨住中蘇關係交惡，越南隨即就將中國視為「敵人」，並且推行地區霸權主義，希望建構「印支聯邦」，唔單止國內瘋狂排華、發起武裝衝突，仲侵佔中國南沙羣島96%以上島嶼、對柬埔寨發動武裝入侵。為咗保護中國國民以及領土完整，1979年2月17日，我國就發動對越自衞反擊戰並且喺1979年3月5日完成任務逐步從越南撤回中國境內。