八國聯軍侵華嘅歷史阿史就同大家講過唔少，當時義和團好快就被消滅，八國聯軍亦都係1900年8月14日就攻入北京城。眼見勢色唔妥，就算係慈禧太后都要執包袱走佬。

雖然話就話慈禧太后會有一大隊御林軍保護佢安全，但當時面對勢如破竹嘅八國聯軍，單靠朝廷嘅軍隊佢當然就唔會放心，於是佢就決定借助一班人幫手，就係當時京城最好嘅「天下第一鏢」李氏鏢局！呢間鏢局成立幾十年嚟講，係號稱冇失過一次鏢，所以實力絕對係冇得彈！

鏢局要生存到，除咗要鏢師好打之外，仲要喺黑白兩道都相熟先至得，而當時清軍腐敗戰鬥力極差，絕對就比唔起黑白兩道都相熟、而且地緣相當熟悉嘅李氏鏢局。李氏鏢局前身正係山西平遙鏢局，喺滄州、山西一帶威名好大，所以慈禧要向西走佬絕對就靠佢哋。喺沿途，李氏鏢局就以黃布將慈禧頂轎裝飾，沿途仲有唔少嚴格訓練嘅待女照顧佢，好快就成功去到太原再轉往西安。喺簽訂《辛丑條約》八國聯軍退兵後，慈禧直頭就封李氏鏢局做「天下第一鏢」，真係威水！

原圖嚟自網絡