講到香港嘅「大酒店」，相信唔少史友都會記得出名個幾間，好似香港、世界、九龍、萬國、寰宇等。最近阿史睇返啲文章，先知原來以前萬國係座落响灣仔。
响二戰後，响灣仔分域街個頭就出現一間殯儀館，就係萬國殯儀館喇！呢間「大酒店」响1951年開始經營，至1962年因為唔夠地方用先搬到鰂魚涌，當年就有唔少名人係响萬國出殯，包括粵劇宗師唐滌生。其實响萬國出現之前，香港殯儀館就曾經响灣仔道開檔，後嚟响六十年代先搬咗去北角。亦因為灣仔道有間大酒店，所以附近天樂里一帶就有好多花檔同長生店，而天樂里呢個名亦係同殯儀業有關連。阿史記得細個個陣，搭巴士經過摩利亞山道就有間棺材舖，睇嚟都係當時嘅老字號嚟。
原圖：flicker