最近在家工作關係，响屋企煮嘢食嘅機會多咗，仲有就係睇教煮嘢食嘅短片都睇多咗。話說前排睇咗個短片，一位廚師就教煮毛氏紅燒肉，個主持就問點解唔落醬油，原來係有段故响裡面。

毛氏紅燒肉係一道出名嘅湘菜，叫得毛氏自然係同毛澤東有關。據毛澤東同班同學憶述，話佢哋响湖南第一師範學習時，每逢星期六都會有紅燒肉食，呢款紅燒肉就以五花肉再配以醬油、冰糖、料酒、大茴煮成，毛澤東個陣就好鍾意呢首菜。後嚟新中國立國後，呢首菜就成為佢不時會食嘅一道菜，啲人就將佢叫做毛氏紅燒肉。不過毛氏紅燒肉同其他紅燒肉唔同嘅地方，就係唔用醬油。咦！前文話佢讀書食嘅紅燒肉有落醬油架喎！係乜嘢一回事呢？相傳佢有一次去咗醬油作坊見到醬油製作過程中，發現非常之唔衛生，自此佢就再唔食醬油喇！

原圖嚟自網絡