今時今日每逢星期三晚同埋週末有賽馬比賽睇好似已經係必然嘅事，之不過唔知史友們又有冇諗過，呢項活動係點樣發展成今日咁嘅規模呢？咁就要由當年今日講起喇！
香港嘅賽馬歷史相當悠久，早喺1846年隨住跑馬地馬場嘅建成就正式展開，喺1873年香港打吡大賽首次舉辦之後，呢樣活動就變得更加受市民歡迎。時間去到1884年，香港賽馬會就正式成立，負責管理香港賽馬運動，令到呢項活動變得更加有規模同埋規範化，甚至去到1926年，華人亦都開始成為香港賽馬會會員。
而喺戰後，快活谷馬場嘅設施不斷更新，賽馬亦都愈來愈多玩法，亦都令到馬匹質素亦不斷提高。由於賽馬活動愈來愈受歡迎，原本嘅業餘騎師制度難以應付需求，喺1971年3月16日馬會就宣佈會將香港賽馬職業化，聘請外地專業騎師來港策騎，開設見習騎師訓練班，訓練本地全職騎師等等，令到呢項本地活動國際化。
原圖嚟自網絡