71年中國重返聯合國席位 全歐洲就只得一張反對票？

喺新中國成立之後，其實當時嘅世界由於意識形態嘅對立令到兩個陣營嘅國家都互相敵視，甚至西方陣營仲喺唔少國際議題相排斥共產主義陣營嘅國家，而呢一切現象隨住尼克遜訪華之後得以緩和。之不過，喺呢件事之後，中國重返聯合國席位亦都值得同大家介紹下！

喺1971年19月25日，當時聯合國嘅會議大廳就舉行緊一樣相當重要嘅投票，呢場投票嘅結果將會決定聯合國總部大廈外到底會唔會有五星紅旗飄揚。而結果正如大家所知，就係以七十六票贊成、三十五票反對、十七票棄權，以大比數嘅支持率通過恢復中國喺聯合國內嘅合法地位以及常任理事國嘅地位。

而出奇地，可能唔少史友都以為當年好多歐洲國家都會投反對票，但其實當時西歐都係以美國、英法為馬首是瞻，但最後其實只係得一個國家投反對票。而呢張反對票就係嚟自歐洲一個小國馬耳他，而呢個歐洲小國其實係二戰期間就被意大利、德國長期海空攻擊封鎖，喺60年代雖然成功獨立,但就加入咗大英國協作為成員國。