可能係受到唔少歌影視作品影響，一諗起清朝嘅一啲代表人物，相信大家同阿史一樣都會諗起乾隆、和珅同埋紀曉嵐。雖然呢三個人物喺史實當中嘅關係同劇集都未必係一樣，但阿史仍然對佢哋嘅身世充滿興趣。「和珅跌倒，嘉慶吃飽」大家就聽唔少，之不過和珅真係乾隆留畀嘉慶嘅一件「寶物」？今次阿史就同大家講一講啦！

其實和珅同乾隆之間嘅關係係相當微妙，手握國家大權嘅和珅雖然貪污受賄、擅權結黨，但呢一切唔少史學家都認為乾隆並唔係唔知情，但喺朝中實在搵唔到一個如佢一樣嘅人材。喺乾隆死後十日，嘉慶就宣佈咗和珅二十條罪項，下旨將佢抄家並且以白綾了結咗呢位「二皇帝」，為清廷取得八億兩白銀。「和珅跌倒，嘉慶吃飽」就係咁樣嚟，之不過其實乾隆臨死前，曾經就叫過嘉慶唔好殺和珅，咁結果嘉慶當然就冇咁做啦！結果，殺咗和珅之後嘉慶頭果段時間當然就幾開心，但後來就發現朝中再冇大臣可以牽制到唔同派系嘅官員、亦冇人可以睇晒外族送來嘅文書、更加冇人可以承擔責任，所以呢個結果真係令人相當後悔。

原圖嚟自網絡