東京地下鐵沙林毒氣事件

1995年3月20日，對唔少史友嚟講當年真係相當震撼嘅一日，事關呢一日喺東京嘅地下鐵就發生咗一場沙林毒氣嘅恐襲事件。

喺當年今日，喺日本時間嘅早上，一個名為奧姆真理教就喺當年名為帝都高速度交通營團嘅東京地鐵車廂嘅三條線路釋放沙林神經毒劑，事件造成13人死亡，並且仲有6300人受傷，當中1000人仲出現視力問題，影響相當深遠。

奧姆真理教原本係一個新興宗教，但由於喺日本涉及多宗命案，所以面臨日本警方嘅搜查以及取締。為咗應對呢次危機，當時奧姆真理教教主麻原彰晃及5名幹部就決定發動呢場大型恐怖襲擊希望可以轉移視線。而最後，事件策劃者奧姆真理教教主麻原彰晃以及9名教徒都被判死刑。