提到晚清最後一位皇帝溥儀，其實後世唔少史學家都研究佢到底點解會成為日本人控制下偽滿洲國嘅傀儡皇帝。雖然話佢受到日軍武力威脅再加上「最後一位皇帝」嘅身份，令到日本人必定會搵佢，但喺當時嘅社會氛圍下，其實任何人都唔會想投靠日本人。而史學家就喺一件事上研究，認為好有可能係因為呢件「小事」令到佢復辟、復仇思想達到一個高峰！
喺民國初年，有個原來只係土匪流氓出身嘅孫殿英乘勢崛起，仲投靠埋蔣介石。而喺1928年，佢就帶領部隊盜掘清東陵，乾隆時期、慈禧太后時期嘅珍寶盡數落入佢手中，當中當然係包括乾隆以及慈禧嘅「玉琀」，分別係一隻玉蟬以及頂級夜明珠，兩者都係價值連城。事件引來社會指責，但為咗逃避刑責，當時孫殿英就周圍用呢啲財寶收買眾人，例如將九龍寶劍送畀蔣介石、乾隆頸上朝珠送畀戴笠。
本身祖墳被掘、祖宗嘅文物被偷已經令溥儀相當憤怒，而喺後來溥儀仲得知慈禧口中價值連城嘅夜明珠成為宋美齡腳上嘅飾物，而孫殿英更加可以升官發財，溥儀就激到癱咗喺地下，並且發誓要大報此仇。雖然都係身不由己，但呢件事都成為後來偽滿洲國嘅導火線！
原圖嚟自網絡