以往阿史都同史友們介紹咗唔少人早年以平價買入啲藝術品，但經過一段長時間之後就發現原來呢啲藝術品竟然係真跡！而呢件事最近就喺英國發生喇！

英國就有一戶人家喺20年前以5200英鎊買入咗一個女性雕像，本身睇落平平無其，但原來係出自大師之手！呢對夫婦喺2002年嘅一次拍賣會當中投得呢個雕像，當時成個雕像都係污漬，根本唔似係咩大師之作！但近日佢哋就請嚟藝術顧問對呢個雕像進行估價，竟然就有大發現！

原來呢具雕像係新古典主義雕塑家安東尼奧卡諾瓦1822年嘅遺作「橫臥的抹大拉」（Recumbent Magdalene），呢件作品失蹤多時，好多學者都繼續找尋，從來都冇人諗過竟然會放咗喺一個英國花園入面多年。據佳士得拍賣行估價，呢件作品目前估計值800萬英鎊，真係誇張！

原圖嚟自網絡