「麻將」呢項中國傳統嘅棋牌活動傳承咗上千年，喺明、清年間最為流行，甚至皇宮之內嘅成員都相當沉迷，就好似慈禧、溥儀直頭有自己專屬嘅麻將。慈禧太后就有一副名為「御用吉羊麻將」，至於溥儀果副就更加犀利，係由十幾個內務府工匠打造而成嘅「五彩螺鈿牌」。咁到底溥儀呢副麻將有咩故事呢？阿史今次就同大家講一講啦！

喺清朝滅亡之後，溥儀一行人原本係可以繼續過住衣食無憂嘅生活，但後來軍閥馮玉祥闖入紫禁城後，溥儀亦都被逼離開呢個從小長大嘅地方。再無任何朝政事務需要處理嘅佢，就以打麻將消磨時間。而溥儀自己專屬嘅麻將「五彩螺鈿牌」係由烏木作為首要材料，木上再刻有梅花花紋以及上百張麻將上都要刻出一模一樣五彩螺鈿牌上嘅畫，難度真係嚇死人！而當時十幾個工匠整咗過千張麻將先至可以順利完成，真係一件極為犀利嘅藝術品。

而當溥儀後來成為偽滿嘅皇帝繼而倒台之後，呢副麻將落入日本一個叫做野口恭一郎嘅出版商手中，佢視之為珍寶，甚至仲專門起咗一座麻將博物館展出。而喺佢去死之後，佢並無強留呢件珍寶喺日本，反而將佢歸還畀中國，原因係佢認為麻將起源於中國，所以最終亦都應該返到故鄉，呢件事當年亦都感動唔少國人！

原圖嚟自網絡