創辦精武體操會、同德、比、英三國派出最強高手決戰擂臺，最後喺同日本高手決戰之前被日本喺茶水當中落毒最終毒死，呢一幕幕都係電影《霍元甲》嘅情節，咁到底歷史上霍元甲係咪真係畀日本人毒死呢？阿史今次就同大家講一講！
霍元甲係一個相當傳奇嘅人物，1868年出生喺直隸省靜海縣嘅佢其實幼年體弱，雖然父親霍恩第以保鏢為業，武藝極高，但因為怕佢學藝不精，有辱霍家迷蹤拳嘅名聲，所以一直都唔肯教佢。但咁樣並冇打消佢學習武術嘅念頭，喺父親教授哥哥同細佬之時，佢總係會偷偷地觀察繼而練習，最終都令父親肯畀佢一齊學習。
而喺霍元甲嘅時候，佢就離開咗鄉下去到天津發展，做過碼頭裝卸工、藥棧幫工、最後喺1909年以41歲之齡成為由陳公哲、陳鐵生所創辦「精武體操會」中主教武術，遺憾喺1910年去世。
咁問題嚟喇，到底電影當中嘅情節係咪真呢？喺歷史上霍元甲喺1890年就曾經打敗過一位武藝高強嘅武師而聲名大噪，其後就喺1901年他又連續打敗俄國、英國、日本人，自此之後更加廣收徒弟。之不過，日本柔道會對於多次挑戰失敗相當唔服氣，傳聞喺一場比賽後以幫忙醫治咳嗽為由，請嚟一位叫做秋野嘅醫生，但多番食藥唔單止冇好轉，仲不斷惡化，最終喺1910年9月14日過世。
當時就已經有徒弟驗出呢種係慢性爛肺藥，但呢點就一直都冇法驗證，直到1989年政府為咗紀念呢位大俠而修建陵園，霍元甲墓穴被開啟，專家發現屍骨呈現黑色，經過法醫鑑定證實是中毒身亡。
原圖嚟自網絡