繼續同史友們討論一啲有趣嘅歷史謎題，其實理論上作為一位皇帝絕對係全國食得最好、住得最好、著得最好嘅人物，咁到底歷史上一位皇帝一年到底要用幾多錢呢？阿史今次就同大家講一講乾隆一年要用幾錢啦！

作為中國歷史上實際掌權時間最長嘅一位帝王，在位六十年嘅乾隆皇帝生活多姿多彩，咁用錢方面自然就係相當誇張啦！咁到底實際有幾多呢？雖然明確嘅數字未必可以提供到，但仍然可以按照當時內務府嘅檔進行推測！內務府係總理皇家事務，當中主要就負責帝后膳食、服用等等嘅開支，但只係呢兩點就已經好奢華。如果就咁用乾隆十二年嚟講，菜庫買辦就用咗68839兩、果房用銀47893兩、買辦玉筍用銀52147兩等等，總計花銀接近50萬兩，而乾隆個人就佔咗其中三分一。

至於乾隆衣著花費就冇太多詳細記載，只知單單係日用服飾就已經耗費45萬兩，如果就咁計食同衣著，佢一年就至少要用到60萬兩，換算返就即係當時20000個家庭嘅用度、一個省嘅賦稅，而呢度仲未計上佢每年用以賞賜、慶典、出巡等各項開銷，真係誇張！

原圖嚟自網絡