繼續同史友們解答一啲歷史上嘅難題，千古以嚟都流傳住「孟姜女哭長城」嘅愛情故事，咁到底喺歷史上孟姜女有冇哭崩長城？今次阿史就同大家講一講啦！

孟姜女據講就係美貌絕人，她嫁咗畀一個叫做範杞梁嘅人，但喺結婚冇幾耐就被徵調到北方去修長城。由於新婚冇耐，孟姜女相當掛住佢，所以亦都不遠千里去到修長城嘅地方搵佢。之不過，當孟姜女去到之時，就發現範杞梁早已去世；傷心之下就哭咗三日三夜哭崩埋長城。

以上就大家都聽過嘅傳說，咁史實又係點呢？據《左傳･襄公二十三年》記載齊國武將杞梁妻子正係孟姜女原型，而喺《禮記･檀弓》中提到「杞梁死焉，其妻迎其柩於路，而哭之哀」就有提到孟姜女關於「哭」嘅情節，但呢度就完全同崩城冇關！

之不過當呢個故事繼續傳落去，就喺劉向《列女傳》出現「乃就其夫之屍於城下而哭之，內誠動人，道路過者，莫不為之揮涕，十日而城為之崩」崩城嘅情節，唐朝時期就更加變成「崩長城」，到底當中有幾多係史實？真係要本人先知喇！

原圖嚟自網絡