對於姜子牙呢個人物，相信唔少史友都會聽過佢願者上鉤嘅故事，以為佢已經算係奇人？以下阿史要介紹嘅呢位就更加奇，因為當時姜子牙親自上門拜訪佢三次，佢都閉門唔見，到底係咩原因呢？今次就同大家講一講啦！

呢位連姜子牙都要拜訪嘅高人名就係西州齊國東海上嘅隱士狂矞，佢就居住喺後來姜子牙被封嘅齊地之上。姜子牙由於聽過關於佢嘅傳聞，就打算親自拜訪佢。之不過一連三次嘅拜訪狂矞都選擇閉門唔見，結果姜子牙面對呢個高傲嘅人物亦都冇再忍讓，反而下令殺咗佢。

喺得知呢個消息之後，好多人都嘗試前往阻止，但已經為時已晚。被問到點解要咁做，姜子牙當時就回應，殺咗狂矞當然係國家嘅損失，但如果一匹寶馬用盡方法都唔能夠驅動，咁仲留嚟做乜？而且如果世人都好似佢咁高傲無比，真在就係目無王法！

原圖嚟自網絡