港產數學家丘成桐 係首位華人菲爾茲獎得主？

繼首位華人諾貝爾獎得主楊振寧，首位華人圖靈獎（計算機領域頂級獎項）得主姚期智之後，港產數學家、首位華人菲爾茲獎得主丘成桐亦都正式投身清華嘅教育事業，呢個決定亦都令到清華正式聚齊三位世界頂級科學獎項首位華人得主！

丘成桐幼年就喺香港讀書成長，以二十歲之齡就已經完成中文大學數學系所有嘅課程，冇幾耐就去到美國深造。師承數學大師陳省身嘅佢亦都有過唔少學術成就，就好似證明咗「卡拉比猜想」及愛因斯坦方程中正質量猜想，開創數學中極為重要分支「幾何分析」。後來佢喺1982年榮獲有「數學界諾貝爾獎」之稱嘅菲爾茲獎。

雖然丘成桐居住喺外國，但自1979年起佢就喺呢40幾年嚟都每年返到內地嘅大學訪問幾個月，並且以「丘成桐」命名發起各類數學獎項及競賽，一直以嚟都係心繫國家，為中國數學事業以及祖國發展作出更大貢獻。