提起我國歷史上最具代表性嘅詩人,相信唔少史友都必定會諗起「詩仙」李白,一生寫過過百首著名詩作嘅李白,其實都有一首詩係佢最想燒燬,今次阿史就同大家講一講啦!

被譽為「詩仙」嘅李白大部分嘅作品都被譽為係經典,之不過其實佢生平當中都有一首詩想燒燬,當中原因並唔係因為首詩寫得唔好,而係因為佢歌頌咗一個唔應該歌頌嘅人。呢首詩作正係《述德兼陳情上哥舒大夫》,當中內容就係「天為國家孕英才,森森矛戟擁靈臺。浩蕩深謀噴江海,縱橫逸氣走風雷。丈夫立身有如此,一呼三軍皆披靡。衛青謾作大將軍,白起真成一豎子。」

全詩64字都係用嚟歌頌一位叫做哥舒大夫嘅將領,讚揚佢係天賜嘅良將,計謀如同江海不竭,係男人之中嘅典範。之不過其實呢位哥舒大夫歷史上就係同李白同期嘅哥舒翰,雖然曾經喺石堡城之戰中立下戰功,但後來投降叛敵安祿山,後揹負罵名,所以李白先咁唔鍾意呢首詩!

原圖嚟自網絡