晉陽古城發現隋代瓷窯遺址 屬山西發現最早瓷窯址

繼續同史友們介紹我國最新嘅一啲考古發現，近日山西省考古研究院、山西省古建築與彩塑壁畫保護研究院就共同發布咗最新嘅考古成果報告，當中就指晉陽古城考古隊喺晉源苗圃二號建築基址以及三號建築基址之間發現到一個隋代瓷窯遺址，今次阿史就帶大家睇一睇！

呢個新發現嘅遺址係開展系晉陽古城考古工作60年以來第一次發現嘅瓷窯遺址，同時亦都係山西目前發現最早瓷窯址，真係相當難得！晉陽古城遺址位於山西省會太原市晉源區晉源鎮，由於遺址本身埋藏厚、保存好，所以一直以嚟都有唔少重要文物出土，而喺呢次發現嘅遺址就係北朝至唐代宮城區的南部，疊壓於晉陽古城二號、三號建築基址嘅唐代文化層之下。

呢個遺址就出土咗大量窯具、瓷片、爐渣，並且仲清理出3處瓷窯爐遺迹、9處灰坑、近萬件瓷片，甚至仲有大量支具、墊具、素胎瓷塑等等。據分析，呢次發現嘅瓷窯均為馬蹄形饅頭窯，雖然瓷窯使用時間短，燒制產品種類亦都唔多，但可以睇得出當時已經掌握極高嘅技術水平較高，亦都講明隋代瓷窯喺當代已經有重要嘅地位。