無論係喺三國志定還是三國演義當中，曹操都係描繪成一個充滿疑心嘅人物，其中一件最能體現呢種心態嘅就有一宗「一瓜殺三妾」嘅事件，今次阿史就同大家講一講啦！

話說有一次曹操擺宴席宴請群臣，咁飯後自然就要食返啲生果，於是佢就叫三個小妾將準備好嘅西瓜拎出嚟。見到西瓜嚟之後，當時佢就問咗一句西瓜甜唔甜。第一位小妾諗都冇諗過就答咗極甜，結果就係即時畀曹操派人斬咗佢。眼見呢個情況，第二位小妾就心諗佢一定係答得太肯定，於是今次呢位就答「不生」，同樣地佢都畀人拉咗出去斬。

當場所有人都被嚇親，唔清楚曹操想要咩答案。而第三位叫做蘭香嘅侍妾平時就深受曹操喜愛，佢就回應「甚甜」，結果亦都係一樣下場。咁點解三人答案唔同都一樣會被斬首？原來頭兩位係因為冇食過西瓜而照樣回答，所以先招致斬首；但第三位小妾正因為知道曹操心意，為咗免絕後患先至會被殺，真係估佢唔到！

原圖嚟自網絡