喺形容一個人人格低下,品行極壞,好多時候都會用到「禽獸不如」呢一個詞,之不過到底呢個咁貼切嘅形容詞係點樣嚟?

提到呢個詞,就要由三國時期嘅文學家、竹林七賢之一嘅阮籍講起。身為魏國人嘅佢,深受當時魏國權臣司馬昭欣賞,並且可以去到東平做官。而喺佢上任之後,佢就將府衙所有圍牆拆除,等外面嘅人可以睇得一清二楚,亦都表明佢自己係唔會營私舞弊。阮籍一系列嘅舉動,亦都令到佢深受百姓愛載。

後來,阮籍就被調返朝廷,出任大將軍嘅從事中郎,有一次佢就得知有一個兒子殺咗自己嘅母親。阮籍當時就表示,殺咗父親都仲可以,但殺母親就真係唔得。聽到呢度,大家都以為佢講錯說話,佢就一本正經咁表示,「禽獸知母不知有父,殺父不過是禽獸罷了」,但如果殺母,咁就真係「禽獸不如」。呢一刻,大家先至真正明白佢嘅意思!

原圖嚟自網絡