以前學中史個陣，讀到魏晉時期就會學到清談呢種士人風氣，清談大概就係不談俗事，不談民生，講啲嘢好玄好虛無縹緲，而成語信口雌黃就同呢種風氣有關。

信口雌黃，意思即係不顧事實真相而隨便亂講或者亂咁批評，呢個成語係源自一位叫王衍嘅人。王衍出身名門，係當時司徒王戎嘅堂弟，後嚟佢都成為司徒，位列三公之一，身份極為尊貴。不過，呢位達官貴人就崇當清談同玄學，講嘢往往虛無縹緲不切實際。《晉書》對王衍就有咁嘅記載：「妙善玄言，唯談《老》《莊》為事。每捉玉柄麈尾，與手同色。義理有所不安，隨即改更，世號『口中雌黃。』」雌黃係以前錯別字嘅用品，即係話王衍信口開河話改就改。之但係，由於王衍地位顯赫，所以後進之士，莫不景慕放效。所以呢種清談之風，真係敗壞誤國。

原圖嚟自網絡